പുതിയ ലോകങ്ങൾ

നാല് കണ്ണുകൾ തമ്മിൽ കുരുങ്ങുമ്പോൾ,

ആ നോട്ടങ്ങൾ

അവന്റെയും അവളുടെതുമാകുമ്പോൾ ,

ഒരോ നോട്ടത്തിലും

ഒരോ പുതിയ 

ലോകങ്ങൾ പിറക്കുന്നു. 

അവൾ അവനേയും ,

അവൻ അവളേയും ,

നോക്കി കൃഷ്ണമണികളാൽ 

പരസ്പരം ബന്ധിക്കപ്പെടുമ്പോൾ ,

പിറക്കുന്നത് പുതിയ യുദ്ധഭൂമികളാണ്.

അവിടെ ,

ഇനിയുള്ള നോട്ടങ്ങളേല്ലാം

ഇതുവരെ തുറക്കാത്ത 

ഹൃദയത്തിലേക്ക്  ഇരുവരും

നടത്തുന്ന പടയോട്ടമാണ് .

അവിടെ കലാൾ ,തേരാൾ , 

ആന  ,കുതിര  ,അങ്ങനെ എന്തെല്ലാം .

യുദ്ധ വേഗതയിൽ 

ഇതു വരെയും തുറക്കപ്പെടാതിരുന്ന 

എല്ലാ 

കോട്ടവാതിലുകളും തകർക്കപ്പെടുകയാണ്,

പുതിയ ലോകങ്ങൾ

തുറക്കപ്പെടുകയാണ്.

അവിടെ തുറക്കപ്പെടുന്ന

ഓരോ നോട്ടത്തിനും 

ഓരോ അർത്ഥമാണ് ,

ഓരോ ലോകത്തിനും

അനേകം അർത്ഥങ്ങളാണ് .