വെറുതെ മറിച്ച് നോക്കുമ്പോൾ

കൈയിലെടുത്ത മാസിക

താളുകൾ

മറിച്ചു നോക്കി

കഥയും കവിതയും

കാണുമ്പോൾ ,

അവയിലേ ചിത്രങ്ങളിൽ

നിന്ന് പലതും

വെറുതെ തുറിച്ചു

നോക്കുന്നുണ്ടായിരുന്നു .

പേജുകൾക്ക് അകമേ

വരികളിൽ കത്തുന്ന

രാഷ്ട്രീയത്തിന്റെ

ദുർഗന്ധമോ, ഏതോ

ഒരു സിനിമയേ പറ്റിയുള്ള

പരഭൂക്ഷണമോ ,

ആരോ ഒരാൾ വരച്ച

ഒരു ചിത്രത്തിന്റെ

അലകും പിടിയും

മാറ്റാൻ ഒരുമ്പെടുന്ന

ഒരുവനെയും കണ്ടിരിക്കുമ്പോൾ .

മെച്ചമുള്ള ജീവിതം

വച്ചു നീട്ടുന്ന

എത്രയോ കാര്യങ്ങൾ

കടും നിറങ്ങൾ പൂശി

മുക്കിലും മൂലയിലും

ഇരുന്ന് ഇടംകണ്ണിട്ട്

നോക്കുന്ന പേജുകളും കടന്ന് .

ഒടുവിൽ ,

പുറത്തെ പുറംചട്ടയിലെ

ബഹുവർണ്ണങ്ങളെ നോക്കി

കണ്ണു പുളിക്കുമ്പോൾ ,

ഒന്നും വായിക്കതെ പേജ്

വെറുതെ മറിച്ചാണല്ലോ

ഇവിടെ വരെ

എത്തിയതെന്ന ദു:ഖത്തിൽ

മനസ്സും ശരീരവും

വലിഞ്ഞു മുറുകുമ്പോൾ .

ഈ പേജുകളൊക്കെ ചുമ്മാ

മറിച്ച് നോക്കാനുള്ളതാണേന്ന്

ആശ്വസിച്ച് ,

കയ്യിലുള്ളത് താഴെ വച്ച്

ഇതേ പോലെ തന്നെ

മറിച്ചു നോക്കുന്നു അടുത്തതും .