ഒരു ചായക്കോപ്പയുടെ
അടിയിൽ പറ്റിക്കിടക്കുന്ന
പൊടിയും അല്പം ചായയും
മാത്രം ബാക്കിയായ
കടുംചായിൽ നിന്നും
പൊടിയേ മാത്രം
ബാക്കിയാക്കി കുടിക്കുമ്പോൾ
നിങ്ങൾക്ക്
എന്താണ് തോന്നുന്നത് .
എന്തെല്ലാമോ
ഓർത്തും ഓർക്കാതേയും
കണ്ടും കാണാതെയും
ജീവിച്ച ജീവിതം
മെല്ലേ
നിങ്ങളിൽ നിന്ന്
അകന്നുപോകുമ്പോൾ
മിച്ചമാവുന്ന
ഒരല്പം ജീവിതത്തേ
ആധിയോടെ ആശയോടെ
മെല്ലേ കുടിക്കുന്നതായി
തോന്നുന്നുണ്ടോ ?
ഉണ്ടേങ്കിൽ
അതാണ് ചങ്ങാതി ജീവിതം
അതു മാത്രമാണ് ജീവിതം .
മിച്ചമായ ഒരൽപം
കടും ചായക്കും ചണ്ടിക്കും
ഇടയിൽ നിന്ന്
വലിച്ചു കുടിയ്ക്കുന്ന
ആ ജീവിതത്തിനാണ്
ഏറേ മധുരം എന്ന്
ഓർക്കാത്തതെന്തേ ?
No comments:
Post a Comment