ജീവിതത്തിൽ അല്പം പതുക്കെ പോയാലോ

എന്തൊരു വേഗതയാണ് ഇന്ന് ജീവിതത്തിന് ,ദിവസങ്ങൾ, ആഴ്ചകൾ, മാസങ്ങ, , വർഷങ്ങൾ, ഒക്കെ എത്ര വേഗമാണ് കടന്നുപോകുന്നത് . ഇങ്ങനെ കടന്നു പോകുന്ന ജീവിതവേഗതയ്ക്ക് മുന്നിൽ പലപ്പോഴും നമ്മൾ തന്നെ സ്തബ്ധരായി പോകുന്നു. പലപ്പോഴും ആലോചിക്കാറുണ്ട് എവിടേക്കാണ് ഈ പാച്ചിലുകൾ , ഇത്ര വേഗത്തിൽ ഓടി എത്തിയിട്ട് ജീവിതത്തിൽ എന്താണ് നേടിയിട്ടുള്ളത്,ഈ അതിവേഗ യാത്രക്കാരിൽ എത്രപേർ ജീവിതത്തിൽ സന്തോഷം കണ്ടെത്തുന്നു ,സ്വതവേയുള്ള ജീവിത വേഗത്തെ മറികടന്ന് പോകുമ്പോൾ ലഭിക്കുന്നത് അപകടങ്ങളും രോഗങ്ങളും ,അതു മൂലമുള്ള ശാരീരിക മാനസിക അസ്വസ്ഥതകൾ അല്ലേ .

ഒരു വാഹനാപകടത്തിനുശേഷം കൂടി കൂടുന്ന ആളുകളിൽ നിന്ന് നമ്മൾ സ്ഥിരം കേൾക്കാറുള്ളതാണ് "എന്തൊരു സ്പീഡ് ആയിരുന്നു ഒന്നു പതുക്കെ പോയിരുന്നെങ്കിൽ ഇത് സംഭവിക്കില്ലായിരുന്നു" എന്ന്, ഇതുപോലെ മുന്നും പിന്നും നോക്കാതെ ജീവിതം വിജയത്തിനായി പായുന്ന പലരും ഒടുവിൽ പലതരം രോഗങ്ങളോടെ ആശുപത്രിക്കിടക്കയിൽ വീഴുമ്പോഴും നമ്മൾ കേൾക്കാറുണ്ട് , "ഒന്ന് ശ്രദ്ധിച്ചിരുന്നെങ്കിൽ ഒഴിവാക്കാമായിരുന്ന" എന്ന് , ജീവിതത്തിൽ എല്ലാം ഒന്ന് പതുക്കെ ആക്കുകയാണെങ്കിൽ വേഗതകൾ കൊണ്ട് ഉണ്ടാകുന്ന ഇതുപോലുള്ള പലതും ഒഴിവാക്കാൻ കഴിയില്ലേ , ഈ പച്ചിലിൽ നമ്മൾ തട്ടിത്തെറിപ്പിച്ചു പോകുന്ന പല ജീവിതങ്ങളെയും ഒപ്പം കൂട്ടാൻ കഴിയില്ലേ ,ആ വേഗങ്ങൾക്ക് അല്പം നിയന്ത്രണം കൊടുത്ത് ചുറ്റിലും ഒന്ന് നോക്കി, ഒന്ന് ചിരിച്ചു ,ഒരു കുശലം ചോദിച്ചു പതുക്കെ പോകുമ്പോൾ ,നമ്മളുടെ വേഗതയാൽ തകർക്കപ്പെടുന്ന പലതിനും അപ്പുറം തണലേകാൻ കഴിയുന്ന ഒത്തിരി ജീവിങ്ങളെ ,മുഖങ്ങളെ കൂടെ കൂട്ടാൻ കഴിയില്ലേ, ഒന്നാലോചിക്കുക ഇനി ജീവിതത്തിൽ വേഗത അല്പം കുറിച്ചാണോ എന്ന്,അത് നിങ്ങൾക്ക് നല്കുന്നത് ഇന്നുള്ളതിനെക്കാൾ മെച്ചപ്പട്ടതായിരിക്കും തീർച്ച.